महाराष्ट्राच्या लोणार सरोवराचे पाणी गुलाबी कसे झाले ? #TrendingStory

महाराष्ट्रात लोणार सरोवर हा अनेक वर्षांपासून प्रसिद्ध आहे, त्याचे कारणही तसेच आहे. ते म्हणजे एका भीषण उत्कापातानंतर लोणार या ठिकाणी एक भला मोठा खड्डा निर्माण झाला, आणि हजारों वर्षांच्या रासायनिक प्रक्रियेनंतर या सरोवरात पाणी आलं. या सरोवराचे वैशिष्ट्य म्हणजे बेसॉल्ट खडकातील, उल्कापातामुळे निर्माण झालेलं हे भारतातील एकमेव आणि जगातील साधारण तिसऱ्या क्रमांकावर असलेलं हे सरोवर. मात्र गेल्या २-३ दिवसांपासून हे सरोवर चर्चेत आहे ते त्याच्या रंगामुळे | या सरोवराचा रंग आधि निळा - हिरवा होता, मात्र काही दिवसांपासून या सरोवराचा रंग बदलला असून आता तो गडद गुलाबी, मरून असा झाला आहे, त्यामागचे कारण काय ? यामुळे काही संकट तर येणार नाही ना? पाणी विषारी तर झाले नाही ना? असे अनेक प्रश्न येथिल रहिवाशांना आणि फोटोज व्हायरल झाल्यानंतर नेटकऱ्यांना देखील पडले होते. मात्र शास्त्रज्ञांनी याचा शोध लावला असून घाबरून जाण्याचे काहीच कारण नाही, असे सांगण्यात आले आहे.