करोना नावाचा विषमज्वर

यदा यदा हि धर्मस्य ग्लानिर्भवति भारत:।

अभ्युत्थानमधर्मस्य तदात्मानं सृजाम्यहम्॥

आज महाभारतातील वरील ओळी नक्कीच सगळ्यांना आठवत असतील. जेव्हा जेव्हा धर्म संकटात येतो तेव्हा तेव्हा पृथ्वीवर मी (श्रीकृष्ण) जन्म घेतो, असा या ओळींचा अर्थ असून आजच्या जागतिक संकटाला या ओळी समांतर आहेत असे दिसून येते. गेल्या अनेक वर्षांपासून जागतिक तापमान वाढ हि समस्या जगापुढे तोंड वर करुन उभी आहे. अनेक जागतिक परिषदा झाल्या मात्र यावर जगाचे पाहिजे त्या प्रमाणे लक्ष जात नाही. त्यामुळे का होईना या करोना विषाणूचे आपल्याला आभार मानणे गरजेचे आहे. मात्र आजच्या आर्थिक परिस्थितीचा विचार केला तर या एका विषाणूमुळे देशाची आर्थिक परिस्थिती किती मंदावली आहे हे जाणवू लागले आहे. केंद्र सरकार आणि राज्य सरकार या परिस्थितीला आटोक्यात आणण्याचा प्रयत्न करत आहेतच मात्र जगातील बलाढ्य देशचं यावेळी करोना विषाणूशी चार हात करत असल्याने जगाच्या आणि भारताच्या अर्थव्यवस्थेवर त्याचा गंभीर परिणाम होतांना आपल्याला दिसून येत आहे.

जागतिक आरोग्य संघटने (WHO)च्या अहवालानुसार करोना विषाणू हा महामारी आणणार असे सांगण्यात आले होते. करोना विषाणूने बाधित व्यक्तींचा आकडा हा दहा लाखांपर्यंत जाईल असे जागतिक आरोग्य संघटनेने आधीच स्पष्ट केले होते. हि परिस्थिती लक्षात घेता भारताच्या अर्थव्यवस्थेवर याचे परिणाम आतापासूनच दिसू लागले आहेत. देशभरात लॉकडाऊन सुरू असल्याने काही निवडक क्षेत्र सोडले तर इतर सेक्टरमधील कामगार सगळे घरी बसले आहेत. यामुळे संपुर्ण काम सध्या बंद पडली आहेत. याउलट शेअर मार्केटमधील गुंतवणूक देखील काढण्यात येत आहेत. मोठमोठ्या उद्योजकांनी देखील आपली कामे पुढे ओढली आहेत. मात्र परिस्थिती आटोक्यात आणण्यासाठी महाराष्ट्र सरकार अतोनात प्रयत्न करत आहेत.

केंद्र सरकार आणि राज्य सरकार हे मिळून काम करित आहेत. तसेच राज्याचे मुख्यमंत्री उद्धव ठाकरे आणि उपमुख्यमंत्री अजित पवार यांच्या निर्णयांचा देखील राज्यावर सकारात्मक परिणाम होतांना दिसत आहे. मात्र परिस्थिती अजून कोलमडत गेली तर याचा मोठा फटका राज्याच्या तिजोरीला नक्कीच बसणार. यामुळे सध्या जगात आर्थिक मंदी आली आहे असे दिसून येत आहे.